KUTXILLERIA 28 - Azken ematea

Proiektu honetako lehenego ideia eta gero, aldaketak izan dira nagusi, ez zuelako nik benetan garrantzia eman nahi nion horri erreferentzia egiten.

Dagoena errespetatu edo berari garrantzia ematea zen helburua. Horregatik, lehenengo pentsatu nuena eraikinak erdian kokatzea zen, medianeriak ukitu gabe, hauek errespetatuz. Baina, azkenean, medianeri eta aktuazio horren artean zona estu eta erresidualak geratzen dira, inongo erabilerarik gabe, pasozko gunea bi aldeetan, inora ez daramatenak.

Gainera, berdegunea dagoen horretan utzita ere erabilera ezberdinaren adierazgarri da. Azkenean, alde zaharrean dagoena etxebizitza da, beheko komertzioak kenduta. Baina dana dago okupatuta. Horregatik espazio ireki eta ezberdina da helburua.

Jada badagoena, gainera, finkoa da, ez aldakorra. Eta gure kasuan ezinezkoa da betiereko espazioa aldaezinekin nahi den guztia sartzea.

Guzti honengatik, aktuazioa altuera batera altzatzea, eta medianeriek berebiziko garrantzia hartzeko, erabilerak eta komunikazio bertikalak bertan eustea eta bertatik ateratzea proposatzen da.

Hasiera batean kuboak etorri zitzaizkidan burura. Medianerietatik irteten diren kuboak.

 

Baina kuboa esatean espazio itzi batetaz ari gara azkenean. Luzatu arren beti  berdin geratuko den eremu bat, guztiz mugatua. Honen apurketak plano aksortzen ditu eta hauetaz baliatu naiz. Azkenean planoak  erabiliz itxitura bezala errezagoa da espazio ezberdinak sortzea.

Planoa, gainera irristagarria izango da eta beste medianerarte zabaltzen da, bertan 13 metroko argia dela eta, enkantze txiki batzuek izango dituena beste apoio bat izateko eta hegalean ez geratzeko. 4 ataletan banatzen da korredera hori, beraz gehiago edo gutxiago zabal edo alda dezakezu nahi duzun espazioa.

Planoak kokatzeko orduan, medianeri biak, bata bestearen antonimoak izan beharko dira. Batean planoa dagoen lekuan, bestean hutsunea egongo da, hau datorrenean eusteko euskarriak bakarrik egongo dira gune horretan. Momenturen baten, derrigorrezkoa bada, plano bat egongo da ( beste zonetara irisgarritasuna ahalbidetzeko.

Horretarako sare bat planteatu nuen medianeri bietan eta bertan era egoki batean hasi nintzen planoak kokatzen, tamaina eta ezaugarri ezberdinetako espaziak sortzeko aukera ezberdinak ahalbidetuz, azken emaitzara iritsi arte.

Planoen kokapenen azken emaitza.

Hainbat espazio eta elementu berezi sortzen dira planoak zabaltzen direnean. Adibide bezala beheko hauek.

 Irisgarritasunari dagokionez, medianeriaren ondoan kokatzen diren eskilera bertikal batzuk dira igo eta jeisteko herraminta.

MAKETAREN ARGAZKIAK

IDEIA NAGUSIA

Lehenagoko hausnarketan ikututako bi gairi eman diet garrantzia idea nagusia sortzerako orduan. Azkenean, gure orubearen eta honen inguruan dagoenari errespetua zor zaiola pentsatzen dut, horregatik ondoko bi medianeriak ahalik eta gutxien ukitzea da nire helburuetako bat. Gainera, orubeak berak, kutxileria kalean berdegune bezala agertzeak (dagoen bezala) interesgarria iruditzen zait. Horrek, bertan zerbait ezberdina dagoela adierazten du.

Berdegune bezala izte horrek gauza ireki bat izatera bultzatzen nau, beraz, ez da fatxadarik behar eremuaren mugak zehazteko. Baina erabilera ezberdin bakoitzak azalera jakin bat eskatzen du, batzutan itxia, besteetan irekia. Horrela bada, kubo batzuk proposatzen ditut, tamaina ezberdinetakoak. Honek goian kokatuko den egitura batetik eskegita joango dira, bakoitza altuera ezberdin batetara, beraien artean ibilbide bat sortzen duten aldapa batzuk egonez. Sentsazioz, guztiz mugikorra eta aldakorra den zerbait ematen badu ere, finkoa izango da aldapen ondorioz, hauek ezin direlako ez luzatu ez txikitu. Kuboak kokatzerako orduan handiena izango da erreferentzi puntua. Bertan ekitaldi nagusienak edo jente gehienaren arreta deituko dutenak egingo dira, eta aipatutako aldapa hauek (honen inguruan kokatuak) grada funtzioa egin dezakete, baita beste kubo txikiagoak ere. Kuboak 5 pareta finko izatea proposatzen ditut ideia printzipal bezala: bat guztiz ireki daitekeena izatea, eta momenturen batean, eguraldia dela eta edo pribazitate nahiagatik itxi daitekeena.

Zirkulazioa sortzen duten aldapa horiekin etxeen arteko patio horretako kota desberdintasunari aurre egin eta hau ere kalearekin komunika daitekeela pentsatzen dut.

Ideiaren irudiak dira hauek, oraindik kuboen kokapenaren eta hauen tamainaren hausnarketa egin gabe.

ebaketa

oina

Kutxilleria 28

Gasteiz inguruan orain dela bi mende sortutako herri txikietatik Arabako hiriburuko bihotzera egin dugu salto oraingoan.  Kaskoaren inguruan sortu ziren langile kaleetako batean kokatzen da landu beharreko eremutxoa. Txikia izan arren, gauza askotarako erabilgarria izatea da helburu. Horretarako leku guztiz ireki bat, edo ahalik eta jarraiena eta moldakorrena da, nire ustetan planteatu beharrekoa.

Barruan sartu beharreko gauzak asko badira ere eta hori nola soluzionati temati sartu behar bagara ere, ezin dugu alde batera utzi inguruan daukaguna. Esan bezala alde zaharrako kale batean, kutxilleria kalean eraizketa baten ondorioz geratutako zulo bat da. Beraz inguruan baditu inposatutako mugak, eta ez nolanahikoak gainera!

Albo bietara fatxada itxi eta gogorrak agertzen zaizkigu, 26 eta 30 zenbakietan kokatzen diren eraikinek sortuak. Hauek errespetatu beharrekoak dira nire ustez. Horregatik zer litzateke hobea? Eraikin berria horma hauetaraino iristea edo hauei errespetua erakusten egongo balitz bezala ukitu gabe geratzea? Gainera, kutxileria kalera ematen duen fatxada irekiena izan beharko da bertatik izango baita sarrera nagusia. Benetan beharrezkoa ahal da fatxada bat kokatzea? edo nahikoa da estalitako zona zabal bat sortzea edozein ekintza bereganatu dezakeena? Moduren batean, gustiz itxia ez bada ere nolabaiteko itxitura bat eman behar zaiola pentsatzen dut bertan egingo diren ekintza batzuk burutzen ari diren bitartean erabiltzailearen konforterako: haizearen korrontea gutxitzeko, argia mugatzeko, kaleko zaratak murrizteko... 

Atzekaldean lorategi-patio antzeko baten amaiera ikusten da gure eremuan bertan. Horri jarraipena edo ez ematea, eta emanez gero nola egin izango zen lehenengo galdera. Gainera lorategi horretara, kota diferentzi bat ageri da. 

Oraindik ez daukat ideia garbirik lanari ekiteko, baina gorako sortutako galdera horiek izango dira abiapuntu lanean hasteko.

ARRATSALDE BATEKO ARIKETA

"Por antecomedores y galerias salió a patios iguales y repetidas veces al mismo patio. Subió por escaleras polvorientas a antecámaras circulares; infinitamente se multiplicó en espejos opuestos;... En el segundo piso, en el último de la casa le pareció infinita y creciente. La casa no es tan grande - pensó -. La agradan la penumbra, la simetria, los espejos, los muchos años, mi desconocimiento, la soledad."

Borges

Narrazio zati hau irakurtzean azken hitzak unkitu nau. Lehenengoko sentsazioa bakardadea sentitzean dena handi bihurtzen dela izan da. Bakarrik sentitzean tristeziak zure barrena konkistatzen du gela txikiena ere infinitu bihurtuz eta arazo txikienetik mundu bat eginez. Dena biderkatzen da zure buruan, pesimismoaren sarean erortzen zara ezerezetik hainbat historio ezberdin sortuz. Azkenean hau transmititzeko modu bat lortu nahi izan dut.

Espazioan islatu da biderkatze hori, sentimentuak bigarren maila baten utziz. Hala ere, mahaia islatzean eta norbanakoa ispiluetan ez ikustean arima hutsaren islada egin nahi izan da, ezer ez zarenaren sentimendua agertzea.

AZKEN EMATEA

Gure zonaldea, Foronda gunea, mendi eta hiriaren artean dagoen lautada bat da, nekazaritzari bideratua, herri guztiek sektore honekin erlazio zuzena dutelarik. 

Gasteiz inguruko herriek hiriburuarekiko etengabeko dependentzian bizi dira. Norabide bakarreko erlazio honi buelta ematea proposatzen da, hiriak eman ezin dituen zerbitzu edo jarduerak eskaintzeko. Honetarako, inguruko herriak batu beharki lirateke, lurralde mailan erreferentzia puntu bat sortuz. Jarduerak, hortaz, inguruarekin lotutako eskala handikoak dira, inguru zabal batean eragina izango dutenak.

Inguruko herrietako biztanleria aztertuz 3 perfil mota daudela ikusi da, denek Gasteizen menpe daudelarik. Hortaz, jende barria ekartzea da helburua, falta diren perfilak bertan txertatuz eta hainbat jarduera herrietara eramanez.

Nekazal gunea izanik eta Martioda herrian hegaztiak suspertu eta zaintzeko zentrua dagoela ikusirik, bi baliabide hauek izango dira abiapuntu programa berria osatzeko.

Programa, beraz, baliabide hauen hobekuntzan oinarritzen da, lehen aipatutako perfil berriak erakartzeko. Alde batetik, gaur egun nekazaritzan ematen den produkzioak oso etekin txikia ematen du. Bestalde, suspertegia Martiodako puntu garrantzitsu bat izanik, ez du inolako indar eta eraginik herrian bertan. Horregatik bi hauek indartu nahi dira, herriko bi baldintza hauek herrian bertan uztartzeko eta herritarrak dagoenaz ohartzeko.

Programa kokatzeko inguruko azterketa fisikoa egin dugu. Erabilera mailaren arabera sailkapen bat egin dugu, honen arabera gure aktuazioa bertan txertatzeko. Azken finean, herrian bertan hutsik dagoena berrerabiltzea nahi izan dugu.

Herriaren zonakatze bat egin da erabileren arabera. Bakoitzean erabilera bat proposatu da, gure aktuazioarekin herriak etorkizun baten izan ahal duen handipena kontutan hartuz.

Aukeratutako ingurua ongi ezagutzeko garrantzitsua izan da bertako orografia barneratzea, horretarako maketen bidez egin da lan batez ere.

Programa garatzeko gure helburuak beteko dituen oinarri teoriko bat ezarri da lehenik eta behin, elementu guztien arteko truke bat sortuz, denak batera funtziona dezan.

Eskema teoriko hori errealitatera eraman da, erabilera zehatzen arteko erlazioa aurkituz.

Azkenean, gure eraikinaren barne lau erabilera nagusi ematen dira: nekazal produkzioa, FP ikasketak (teoriko eta praktikoa), inbestigazioa eta animalien suspertegia. Produkzioak patata, garia eta erremolatxarekin zerikusia du, momentuan momentukoa landuz, produkzio ziklikoa. Horretarako, inguruko lurrak uztiatuko dira eta gure eraikineko biltegian gordeko dira. Ondoren fabrikak lehengai hauek landuko ditu etekin gehiago sortuz.

Inbestigazioaren barne hainbat aspektu jorratuko dira, garrantzitsuena hegaztien eta landa lurretan erabiltzen diren intsektiziden arteko erlazioa aztertzea izango da. Lortu nahi dena intsektizida naturalak sortzea eta txoriak ez kaltetzea izango da, eta aldi berean txorietaz baliatzea intsektizidaren erabilera gutxituz. Bestalde, fabrikan emango diren produktuen azterketak ere gauzatuko dira. Guzti honetarako, eraikinaren baitan esperimentazio gune kontrolagarri batzuk sartu nahi dira.

Ikasleak paper garrantzitsu bat izango dute ere. Azken finean, ikasketa teoriko eta praktikoak izango dira. Horretarako ikasgela batzuk izan behar dituzte. Praktikak inguruko landa lurretan, fabriketan, laborategian, esperimentazio guneetan... egingo dituzte.

Animaliak, esan bezala, nekazal jarduerekin erlazio zuzenago bat izatea bultzatuko da eta aldi berean inguruko hegaztiak sendatzeko zentru bat izaten jarraituko du. Lehen esan bezala, Suspertegia Martiodako puntu garrantzitsu bat izanik jendeari ireki nahi zaio animaliak bistan utziz.

Eraikina eskema hauen errepresentazio fisikoa izatea nahi da, funtzio askoz osatutako bolumen bakarra izanez.

Aukeratutako orubea maldan kokatzen da, eta baldintza hau gure eraikina antolatzeko baliabide bezala erabiliko da. Hau kontutan hartuz, hiru maila ezberdin sortu dira: landa lurrekin erlazio zuzenagoa duten biltegi eta fabrikak, tarteko zerbitzuak, eta herriarekin lotutako erabilera nagusiak. Maila bakoitzak funtzionamendu ezberdin bat izango du, beti ere bat bestearen baldintzapean egonez.

Bertako aurreesistentziak ere programaren barne hartzen dira, erabili gabeko eraikin bat suspertegiko informazio bulego bihurtuz.

Maila hauen funtzionamendua eta erlazioa ebaketa teoriko baten bidez landu da, gero hau erabiliz proiektua garatzeko.

ERAKINAREN DESPIEZEA (kapak)

KAPEN AZALPENAK

    OINAK

Fabrika eta biltegia oso lotuta dauden bi elementu dira, horregatik solairu bakarrean eta bata bestearen jarraipen bezala planteatu da. Bertan lehengaiak egin beharreko ibilbide bat planteatzen da: kamioiak sartu eta deskargatu, lehengaia metatu, lehengaia fabrikaziora eraman, hau landu eta produktu bezala apaletan gorde, azkenik kamioietan kargatu arte. Hiru gune nagusi hauek lotura bertikalen bidez bereizten dira. 

Zerbitzuek solairua: erabilera nagusiei zerbitzatzeko espazioa, baita hauetara estalpean iristeko  ere. Bertan, goian ematen ez diren erabilera batzuk ere aurki daitezke (komunak, aldagelak, instalazio gela, parkina). Parkinak sarrera zuzena du ondoko bidetik eta plazaren zabalpen bezala ulertzen da, fatxadetan erabilitako tutuen bidez bereiziz, tutuen arteko tarteak muga edo pasabide izanik.

Herritik ikusiko den solairua, herriko jendearentzako erabileretarako ere pentsatua. Inguruko eraikinen itxura eta eskala kontutan hartu da. Azaldu bezala, inguruko ardatzen erantzuna nabari da.

Lehendik zegoen eraikinaren integrazioa ikus daiteke. Gure eraikineko suspertegiaren bolumena, jada badagoen eta bertako informazio puntu izango den eraikin honen jarraipen bezala planteatuz. Informazio puntu hau kanpotik etorriko den jendearentzako, batez ere ikastoletako umeentzako pentsatua dago, bertara iritsi eta egiten denari buruz azalpenak bertan ematen baitira.

    OIN OROKORRA

Itxura aldetik, informazio puntu den eraikin hau izango da herriarekin erlazio zuzenena izango duena. Horregatik, erabiltzen da bisitarientzako erreferentzi puntu bezala, baina aldi berean eraikin guztiaren barnean txertatuta dago.

   BANAKETAK

Erabilera nagusi guztietan altuera bikoitza proposatu da punturen baten, solairuen arteko erlazio zuzenagoa lortzeko. 

AUDITORIOA

Auditoriak altuera bikoitza dauka azalera osoan, sarreran izan ezik. Beste eraikinek baino altuera nabarmenagoa du. Kanpoko pabimentuaren ardatzak eragina dute eraikin barneko mugimenduetan ere. Auditoriora sarrera hiru fasetan ematen da: kanpo espazio estalia; hall itxia, beiratez inguratua kanpo espazio bat bezala ulertuz, bertako sorua kanpoko pabimentuaren jarraipena izanik; azkenik auditorio barnera heltzen da. Galeriatik zuzenean sartzeko ate bikoitza kokatu da baita ere.

Teknikariarentzako tarte txiki bat jarri da, bertara sarrera halletik egiten delarik.

IKASGELAK

Goiko solairuan gelak kokatzen dira. Pasiloak zehar ikasleentzako takillak jarri dira. Behe solairuan ordea, horma hau apalategi bihurtzen da, bertan kokatzen den ikasteko gunearentzako. Irakasleentzako gelatxo bat ere aurki daiteke bertan.

LABORATEGIA

Goiko solairuan ikasleak beraien praktikak burutuko dituzten bezala, behekoan jende profesionala arituko da inbesigazioan. Behean laborategi lanetan aritzeko mahai batzuk kokatzen dira alde batean, bestean ordea, kontsulta gunea egono zen ordenagailuekin, baita materiala gordetzeko lekua ere.

SUSPERTEGIA

Suspertegiaren goiko solairua jenteari irekiena da, bertatik egingo da animali gaixotuen harrera, eta azkenean, bertan kokatuko  da hauen sendatzeko gela. Behe solairuan zaintza gune kontrolatuago bat eta animalien elikadura prestatzeko gela bat daude, bertan arratoiak haziz.

TABERNA+JATETXEA+DENDA

Goian, herriarekin erlazio zuzenenean, denda eta taberna kokatzen dira. Dendatxoa apalategi txiki bat da azken finean sarreraren ondoan, produktu oinarrizkoenekin. Behekaldean jateko espazioa eta hau hornitzeko sukaldea daude. Gune hau norberak bere janaria eramateko ere izango da. Erabilera publiko bat izanik, bertako komun propia izango dute.

FABRIKAKO ADMINISTRAZIOA

Goiko solairua kanpotik datorren jendearentzako harrera lekua eta bilera gela kokatzen dira. Behean, berriz, bulegoak, artxibo gela daude. Bertatik fabrikaren funtzionamendua ikus daiteke, erlazio zuzena duelako, hau irekia baita beheko solairu honetara. 

ALDAGELAK ETA KOMUNAK

Hauek zerbitzuak izanik erdiko solairuan kokatuko dira, altuera bakarrarekin.

BILTEGI+FABRIKA

Aurretik azaldu bezala, hiru zona nagusiak bereiz daitezke.

    3D IRUDIAK